Kreu i INTERPOL-it, Meng Hongwei nuk është zhdukur, siç gruaja është ankuar. Ai është gjallë, në jetë, por që po gjykohet në vendin e tij në Kinë, nën akuzat e marrjes së ryshfetit, njoftoi Ministria e Sigurisë Publike e Kinës në faqen e saj të internetit të hënën.
Të dielën, INTERPOL njoftoi se Meng dha dorëheqjen si president.
Sipas faqes së internetit të kësaj instance të Policisë ndërkombëtare, Meng ka katër dekada përvojë në segmente të ndryshme – institucionet gjyqësore, kontrollin e narkotikëve dhe luftën kundër terrorizmit.
Meng u arrestua pasi mbërriti në Kinë, nisur nga Franca ku ushtronte detyrën në krye të INTERPOL-it që e ka selinë në Lion.
Vendbanimi i tij nuk ishte i njohur dhe policia franceze filloi një hetim pasi gruaja e tij raportoi zhdukjen. /tesheshi.com/
