Dy piktura të të madhit Vincent Van Gogh, të vjedhura në vitin 2002 në një muze në Amsterdam u rigjetën pranë Napolit, në një shtëpi që i përkiste trafikantit famëkeq të drogës, Raffaele Imperiale, pjesë e klanit mafioz Amato-Paganà, njoftuan mediat italiane.
Forcat e policisë italiane e kanë ndjekur atë që nga muaji janar, derisa ranë në gjurmët e pikturave, por pa e kapur vetë Raffaelen, që mendohet se ndodhet në Dubai.
Pikturat u gjetën në një ndërtesë pranë Napolit, me ndihmën e një personi të penduar.
Fjala është për veprat “Dalja nga kisha në Nuenen” (1884) dhe “Pamje nga deti Scheveningen (stuhi)”(1882), të cilat u grabitën më 7 dhjetor 2002 në muzeun që mban emrin e piktorit në Amsterdam. Vlera e tyre arrin përafërsisht në 100 milionë dollarë. /tesheshi.com/
