Ishte duke rregulluar mobiliet e vjetra në shtëpi kur ka gjetur një bono thesari, e cila në vitin 1935 kushtonte 500 lireta italiane, ndërsa sot ka vlerën prej 43 mijë eurosh. Protagonistja e kësja ngjarjeje është zonja Marcella R., me origjinë nga Rovigo dhe banuese në Reggio Calabria të Italisë.
Ajo ishte bashkë me mbesën kur po lëviznin mobiliet dhe gjetën letrën me vlerë, e cila i përkiste një të afërmit të tyre që kishte ndërruar jetë. Gjyshja dhe mbesa iu drejtuan shoqërisë Agitalia, e cila ua dha konsulentëve kontabël të vlerësonin këtë titull.
Rezultati ishte surprizues: Bonoja me vlerë e lëshuar nga shteti monarkik i asaj kohe, ka një vlerë mjaft të lartë aktualisht, e cila është ekzaktësisht 42.354 euro.
Zonja e lindur në Rovigo e dërgoi letrën me vlerë në zyrën ligjore të Agitalias për të marrë më pas shumën ekuivalente nga Banka e Shtetit Italian. /tesheshi.com/
