Guvernatori i New York-ut Andrew Cuomo, deklaroi se pjesa qendrore e këtij shteti tani është e gatshme të lehtësojë masat shtrënguese të futura për shkak të epidemisë së virusit koronar.
Sipas tij, pesë rajone mund të ndërmarrin hapat e parë në atë drejtim duke hapur disa kompani.
Cuomo gjithashtu tha se foli me Presidentin Trump i cili premtoi 3.9 miliardë dollarë nga fondet federale për sistemin e transportit.
Ai gjithashtu tha se shteti i New York-ut po përballet me një deficit buxheti prej 61 milion dollarë për shkak të pandemisë dhe përsëri i bëri thirrje Uashingtonit zyrtar të miratojë ligje që do të siguronin fonde dhe për shtetet e tjera.
Ai u bëri thirrje qytetarëve që të respektojnë masat.
“Kjo nuk është vetëm diçka që po bën qeveria. Eshtë gjithashtu diçka që njujorkezët po e bëjnë. Nëse vishni një maskë në publik, nëse i lani duart shpesh, nëse shmangni tubimet e mëdha – do të jeni më të sigurt”, tha udhëheqësi i shtetit të New York-ut.
Fëmijë të sëmurë
Cuomo tha se shteti i tij po punon për ndërtimin e një zinxhiri të fortë furnizimi dhe prodhimi të produkteve mjekësore.
“Asnjëherë nuk duam të jemi në një pozicion kur duhet të varemi nga importet për të pasur gjërat e nevojshme si maskat. Eshtë çështje e sigurisë kombëtare.”
Ai foli foli për rastin e fëmijëve të sëmurë.
“Ashtu si New York State, gjashtëmbëdhjetë shtete të tjera dhe gjashtë shtete evropiane kanë raportuar raste të fëmijëve të sëmurë, gjendja e të cilëve mund të lidhet me COVID. New Jork-u është duke udhëhequr studime në këtë fushë. Ne duhet të zbulojmë sa më shpejt të jetë e mundur, sepse bëhet fjalë për fëmijët tanë”, tha Cuomo.
New York është shteti i prekur më keq në Shtetet e Bashkuara, ku më shumë se 27.600 njerëz kanë vdekur nga virusi koronar deri më tani. /tesheshi.com/
