![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Nga rënia e një aeroplani Embraer, i cili transportonte 62 pasagjerë dhe pesë anëtarë të ekuipazhit nga Azerbajxhani në Rusi, mbijetuan 32 persona, njoftuan autoritetet kazake.
Pamjet e rrëzimit tregojnë se avioni i Azerbajxhan Airlines shpërtheu në flakë ndërsa u përplas në tokë, i ndjekur nga tym i zi i dendur. Në një video u panë pasagjerë të gjakosur dhe të mavijosur që largoheshin nga pjesa e trupit të avionit që nuk është dëmtuar rëndë, transmeton Reuters.
Azerbaijan Airlines J2-8243:
Authorities in Kazakhstan said they had begun looking into different possible versions of what had happened, including a technical problem, Russia’s Interfax news agency reported.https://t.co/9tzJnYgEtr pic.twitter.com/w03Oaq83CZ— EMIL NIVANTHA PERERA (@emilnivantha) December 25, 2024
Ministria e Emergjencave të Kazakistanit tha në një deklaratë se shërbimet zjarrfikëse kishin shuar zjarrin dhe se të mbijetuarit, përfshirë dy fëmijë, po trajtoheshin në një spital aty pranë.
Po ashtu, po kryhen edhe për gjetjen e trupave të të vdekurve.
Fluturimi nga Baku në Grozny
Azerbajxhani Airlines njoftoi se avioni Embraer 190 po fluturonte nga kryeqyteti i Azerbajxhanit Baku për në Grozny, kryeqyteti i Çeçenisë, por u detyrua të bënte një ulje emergjente rreth tre kilometra nga qyteti i Kazakistanit Aktau në brigjet e Liqenit Kaspik.
Autoritetet në Kazakistan njoftuan se një komision qeveritar ishte ngritur për të hetuar incidentin dhe se anëtarët e tij ishin urdhëruar të fluturonin në vendin e rrëzimit për të siguruar që familjet e të vdekurve dhe të plagosurve të merrnin ndihmën e nevojshme.
Kazakistani do të bashkëpunojë me Azerbajxhanin në hetim, tha qeveria.
Agjencia ruse e aviacionit tha në një deklaratë se informacionet paraprake tregonin se piloti vendosi të bënte një ulje emergjente pasi u godit nga një zog.
Pas aksidentit, presidenti i Azerbajxhanit Ilham Aliyev u kthye në shtëpi nga Rusia, ku duhej të merrte pjesë në një takim të samitit të mërkurën, njoftoi agjencia ruse e lajmeve RIA. /tesheshi.com/
