Kur kanë parë atë kasetë të vogël sigurie të vendosur në dyshemenë e shtëpisë së tyre të vjetër, nuk arrinin tu besonin syve: ai kombinim numrash që kishin gjetur më parë në njërën prej mobilieve në tualet, do të duhej të ishte kodi sekret për të hapur kasafortën.
Dhe në të vërtetë kështu ka qenë. Ajo që ata nuk mund të imagjinonin aspak ishte surpriza që ishte fshehur për vite të tëra pak metra larg këmbëve të tyre. Bëhet fjalë për 51 mijë dollarë dhe të gjitha udhëzimet për të nisur një gjueti të vërtetë të thesarit.
Një çift nga Phoenix në Shtetet e Bashkuara të Amerikës kanë ndarë në Imgur pamjet e thesarit të gjetur dhe kanë treguar se çdo gjë e kanë gjetur gjatë kohës që kanë qenë duke punuar për rikonstruktimin e banesës. Disa vite pasi e kishin blerë këtë shtëpi, kishin vendosur të nisnin punimet për të ndërtuar një kuzhinë të re, por kur kanë çmontuar mobiliet, kanë gjetur një kasetë sigurie. Pas tentativave të shumta për ta hapur, u kujtuan për disa numra të cilët i kishin gjetur të shkruara në një fletë. Ata vendosën kombinimin dhe kasaforta, bashkë me përmbajtjen e saj, u hap përpara syve të tyre.
“Brenda kishte 51.080 dollarë dhe një libër. Pamë njëri-tjetrin të habitur dhe nuk po u besonim syve. Koha dukej sikur kishte ndaluar për një çast”,- tregon gruaja.
Mirëpo, surpriza nuk kushte mbaruar ende dhe ishte fshehur mesa faqeve të librit “A Guide for the Perplexed”, i autorit E.F. Schumacher, i publikuar në vitin 1977.
“Duke e shfletuar u gjeta me një fotografi bardhë e zi që e kisha në dorë, në të cilën dukej një burrë. Pas kishte një mesazh: ‘Alan, është një libër që duhet ta lexosh. Kam nënvizuar disa fjali kyçe. Miku yt Vincent’. Duke vijuar me leximin kuptuam se fjalitë e nënvizuara ishin udhëzimet për të nisur një gjueti të vërtetë thesaresh. Në faqen shtatë, fjalia e nënvizuar thoshte: ‘Një mënyrë për të parë botën është nëpërmjet një harte, vlen të thuhet, një lloj skeme që tregon se ku mund të gjendet kjo që jemi duke kërkuar’. Pranë me të ishte një hartë e Arizonës”,- vijon rrëfimin gruaja.
Në faqen numër 11 gjetën një fotografi të një shtëpie ndërsa në faqen 14 fjalia e nënvizuar shkruante: “Pjesa më e madhe e lexuesve modernë do të dyshojnë se lumturia e përsosur është e arritshme me metoda për të cilat bota moderne nuk di asnjë gjë”./tesheshi.com/
