Michael Bloomberg mendon se Brexit është gabimi më trashanik në histori – duket se ai nuk ka dëgjuar kurrë për mbretin Vortigen.
Michael Bloomberg ka pse të flasë për lojën britanike, pasi vajzat e tij kanë pasaportën e këtij vendi. Kështu që komentet e tij vijnë miqësore edhe pse e cilësoi Brexit si “gjënë më të marrë që ndonjë vend mund të ketë bërë ndonjëherë” (përveç zgjedhjes së Donald Trump, sigurisht, shtoi ai)
E vërtetë, është e vështirë për Bloomberg të imagjinojë pse njerëzit mund të votojnë kundër një sistemi që ka funksionuar mrekullisht për kapitenin miliarder të industrisë. Dhe çfarëdo që të pasojë mund të zbresë ca pikë nga prodhimi i brendshëm. Por a është vërtet Brexit gjëja më e marrë që ndonjë vend ka ndërmarrë ndonjëherë? Një renditje e gjërave të tjera tregon se konkurrenca është më e fortë nga sa ai mendon.
Kali i Trojës
“Çfarë është ky?”. Një kalë gjigand prej druri që grekët e lanë pas në mënyrë të pashpjegueshme pas rrethimit 10-vjeçar të Trojës. “Ok, a do ta kontrollojmë, apo skanojmë sipas ideve të sotme, përpara se ta fusim në qytet? Jo, jo”.
Mercenarët e mbretit Vortigern
Mbreti Vortigern, sundimtari i britonëve në shekullin e pestë, kishte një problem. Pushtuesit piktish po përdornin mashtrimet e tyre të zakonshme për të hyrë në territorin e tij. Ai kishte nevojë për një mënyrë të lehtë për t’i mbrapsur. Zgjidhja? Mercenarë saksonë. Shumë prej tyre. Por doli që puna e lirë e të huajve kishte edhe ajo problemet e veta: duke parë fuqinë e Anglisë, ata dërguan fjalë tek njerëzit e tyre dhe shpejt u bënë shumicë në vendin e Vortigernit.
Kriza e nëntës në Majnmar
Presidenti burmez stalinist, Ne Win kishte një numër të preferuar. A nuk kemi të gjithë një të tillë? Por ai e kishte pak më seriozisht këtë fiksim. Në vitin 1987, ai bllokoi me një goditje të vetme të gjitha kartmonedhat që nuk ishin të pjestueshme me vetveten. Kjo gjë la në qarkullim vetëm kartmonedhat prej 45 dhe 90 kajat. E drejtë, matematikanët mund të dalin në përfundimin se numri i tij ishte nënta. Në këtë bingo monetare, të gjithë ata që kursimet e jetës i kishin në kartmonedha të tjera, falimentuan automatikisht. Pas kësaj, kombi u përfshi nga kaosi dhe lindi lëvizja e rezistencës kombëtare e drejtuar nga Aung San Suu Kyi.
Ndalimi i pambukut
Në fillim, parashikohej gjerësisht që jugu të fitonte luftën civile amerikane. Këto territore në fund të fundit, ishin zemra e një ekonomike që dominohej ende nga bujqësia. Ndoshta jo e habitshme për një popull që e kishte varur shpresën tek mbajtja e skllevërve, jugu vendosi të fuqizonte një tjetër gafë kolosale.
Duke u përpjekur të detyronte fuqitë europiane ta njihnin si shtet më vete, ata vendosën ndalimin e eksportit të prodhimit të tyre numër një: pambukut. Sapo ndalimi hyri në fuqi, ndodhi ajo që duhej të ishte parashikuar: ekonomia e vendit u tkurr si kashmiri kur hyn në ujë.
Linja Maginot
“Le ta harxhojmë gjysmën e buxhetit tonë të mbrojtjes në një linjë të gjatë sa gjithë vendi me punime artistike që do të lidhë gjithë fortifikatat në kufirin gjerman”. “Ok, po a mendon se linja duhet të kalojë përmes Belgjikës?. “Jo, nuk duhet”.
Përgatiti: Juli Prifti – /tesheshi.com/
