Në kohën e një prove të madhe për NATO-n tashmë që Rusia po nxit dhe një luftë te re botërore me agresionin ndaj Ukrainës, gjithnjë e më shumë po spekulohen se kush do ta pasojë sekretarin e përgjithshëm, norvegjez Jens Stoltenberg.
Edhe pse mandati i tij i dytë përfundon në shtator, pasardhësi i tij pritet në fund të korrikut. Shumë diplomatë, siç raporton Politico, theksojnë se është koha që një grua të vijë në këtë pozicion dhe i referohen francezit Les Echos, i cili llogarit emrat e gjashtë kandidatëve më të mira që mund të pasojnë Stoltenbergun shtatlartë e simpatik.
Theksi si favorite kryesore vihet te ish-presidentja kroate Kolinda Grabar-Kitaroviç, e cila, siç sillet në kujtesë, ishte në NATO si Ndihmës Sekretare e Përgjithshme.
Po ashtu në projekt janë Federica Mogherini, ish-Përfaqësuesja e Lartë e BE-së për Punët e Jashtme dhe Politikën e Sigurisë, Zëvendëskryeministrja belge Sophie Wilmes, ish-kryeministrja britanike Theresa May, ish-presidentja e Estonisë Kersti Kaljulaid dhe Jeanine Hennis-Plasschaert, politikane hollandeze dhe ish-ministre Mbrojtjeje në këtë vend.
Burime afër Grabar-Kitaroviçit pajtohen se ajo është një nga kandidatet më serioze.
Ndërsa arsyet që jepen për këtë kandidaturë të fortë, është jo vetëm karriera e saj në Aleancë nga viti 2011 deri në vitin 2014, por dhe fakti se ka marrëdhënie të shkëlqyera me amerikanët, duke qenë njëherësh ish-ambasadore në Uashington. /tesheshi.com/
