Në qarkun e Shkodrës janë të paktën 170 familje të ngujuara për shkak të gjakmarrjes, një fenomen që vijon të mbajë Shqipërinë peng të ligjeve të kanunit të para 5 shekujsh.
Përveçse nuk bëjnë një jetë normale si gjithë njërëzia të ngujuarit nuk kanë as të drejtë vote më 25 qershor edhe Kushtetuta e Shqipërisë thotë se:” Çdo shtetas që ka mbushur 18 vjeç ka të drejtën të zgjedhë dhe të zgjidhet”.
“Mbi 170 familje me së paku 700 votues në Shkodër dhe në disa bashki të tjera të zonës veriore të vendit, rrezikojnë të mos ushtrojnë të drejtën e votës për shkak të fenomenit të gjakmarrjes” .
Shqetësimi vjen nga kreu i Misionareve të Pajtimit të Gjaqeve në Shkodër Nikoll Shullani.
Ai i bën i apel institucioneve të reagojnë per t’u mundësuar ushtrimin e të drejtës së votës këtyre qytetarëve.
Nikoll Shullani kërkon që Komisioni Qendror i Zgjedhjeve t’i krijojë kushte edhe familjeve në hasmëri, që të votojnë më 25 qershor.
Edhe në zgjedhjet e mëparshme parlamentare, të 2013-ës, rreth 1 mijë votues nuk e ushtruan të drejtën e votës për shkak të gjakmarrjes.
