Është kthyer në një traditë tashmë, që festa e ‘natës së bardhë’, e organizuar nga bashkia e kryeqytetit, veç argëtimit, atmosferë të veçantë i jep edhe një i ftuar special. Emra të njohur të artit ndërkombëtar, e sidomos ata që janë “trendi” i aktualitetit muzikor.
Këtë vit, Erjon Veliaj zgjodhi këngëtaren e njohur italiane Giusy Ferreri, e cila pritet të ndezë “natën e bardhë” me muzikën dhe repertorin e saj të fundit. Ajo u prit nga kryebashkiaku Veliaj në zyrën e tij dhe më pas e nderoi atë me një prej simboleve që u jepet miqve të qytetit, “Çelësin e Qytetit”.
Këngëtarja e njohur italiane Giusy Ferreri falenderoi kryetarin Veliaj për këtë vlerësim, ndërsa tha se ndihet krenare për këtë dhuratë të mrekullueshme. “Falenderoj shumë kryetarin tuaj bashkiak shumë special. Jam shumë krenare për këtë dhuratë të mrekullueshme”, tha Giusy Ferreri.
Koncerti u do të mbahet sonte në sheshin “Nënë Tereza në Tiranë, ndërsa qindra të rinj e presin me padurim për të shijuar këngët e saj. Një ndër më të klikuarat është kënga “Novembre”, e cila u postua edhe mbrëmë nga vetë kryebashkiaku Veliaj në llogarinë e tij në Twitter./tesheshi.com/
