Ngjarje e fundit social-politie me protestat e dhunshme të një pjese banorësh të Unazës, e të cilat patën si epilog dhe këputjen e gishtave të një policeje, e kanë detyruar kryeministrin Rama dhe njëherë të sqarojë legalizimet.
Nga Libofsha e Fierit, shefi i qeverisë përsëriti se jo çdo legalizim mund ta miratohet.
“Nuk mund të legalizojmë aty ku ke zënë hapësirën e përbashkët, apo aty ku është plani për t’u ndërtuar rruga. As nuk mund ta bëjë dot shteti që të legalizojë për të dhënë prona si pronarë, pasi i bie që i gjithë populli të punojë për të paguar ata që janë të palegalizueshëm.
Por kur bëhet fjalë për shtëpi ka një përgjegjësi. Në Shqipëri ka plot njerëz të nderuar që nuk e kanë shtëpinë e tyre dhe qiranë e paguajnë me rrogën e tyre dhe me taksën e tyre paguhet bonuesi për këta të tjerët. Medemek që paskam thënë se shtëpitë nuk do të prishen, nuk është e vërtetë”, tha Rama, i cili më pas akuzoi opozitën se po mbron paligjshmërinë.
“Kurrë nuk ka pasur një protestë të udhëhequr nga partitë për një gjë që ligji nuk e lejon. Luftë për pushtet, gjej shesh bëj pushtet”, theksoi shefi i qeverisë. /tesheshi.com/
