Ekipi fitues nuk ndryshohet. Gianni De Biasi ka vendosur të marrë me vete të gjithë grupin e “luanëve” që për herë të parë në histori çuan Shqipërinë në një kompeticion të nivelit të lartë siç është kampionati europian i Francës që nis më 10 qershor.
Trajneri italiano-shqiptar kuqezi, ka publikuar 27 emrat e lojtarëve që do të marë me vete në Francë.
Përfundimisht, talenti i Interit Rei Manaj është përjashtuar nga lista së bashku me golashënuesin e kampionëve të Shqipërisë, Hamdi Salihin.
Në fillim ekipi do të shkojë në Austri ku do luajë një miqësore me përfaqësuesen vendase dhe Ukrainën, dhe më pas 23 lojtarë do të nisen për në Francë.
Në konferencë për shtyp, De Biasi u kërkoi gazetarëve të mos bëjnë asnjë pyetje në lidhje me përzgjedhjen e lojtarëve
Italiani i shqiptarizuar lexoi dhe mesazhin që i ka dërguar lojtarëve:
“Mirdita djema! Pas 10 ditësh nis përgatitja për ndeshjen e parë ndaj Zvicrës. Për të gjithë do të jetë rast unik dhe e papërsëritshme për jetën tuaj për të nderuar këtë bluzë dhe vlerat tona. Do të mblidhemi në Austri 27 lojtarë por vetëm 23 do nisen në Francë. Kriteri është gjëndja fizike dhe disponibilitet mendor për të bërë një skuadër do të doja që zgjedhjet të bëhen pa polemika”.
Lista e lojtarëve:
Portierë:
-Etrit Berisha
-Alban Hoxha
-Orges Shehi
Mbrojtës:
-Arlind Ajeti
-Naser Aliji
-Berat Gjimshiti
-Mergim Mavraj
-Amir Rrahmani
-Lorik Cana
-Elseid Hysaj
-Ansi Agolli
-Frederic Veseli
Mesfushorë:
-Ledian Memushaj
-Ergys Kace
-Andi Lila
-Migjen Basha
-Odise Roshi
-Burim Kukeli
-Ermir Lenjani
-Herolind Shala
-Taulant Xhaka
-Amir Abrashi
Sulmues:
-Bekim Balaj
-Sokol Cikalleshi
-Armando Sadiku
-Milot Rashica
-Shkelzen Gashi
/tesheshi.com/
