Policia njofton se ka arrestuar 44-vjeçarin Bardhok Pllanaj, të cilit i është sekuestruar dhe një pallat 10-katësh në Shkodër, në vlerën e 2 milion eurove.
“Nga strukturat e Drejtorisë Vendore të Policisë Shkodër, pas një hetimi disamujor u bë arrestimi i shtetasit: Bardhok Planaj, 44 vjeç, banues në fshatin Shtoj i Vjetër, Shkodër
Arrestimi i tij u bë pasi me datë 03.12.2018 nga Prokuroria e Rrethit Gjyqësor Shkodër është lëshuar Urdhëri i Ekzekutimit në bazë të Vendimit Penal të Gjykatës së Rrethit Gjyqësor Shkodër, ku ndaj këtij shtetasi është caktuar masa e sigurimit “Arrest në burg”, për veprat penale “Pastrimi i produkteve të veprës penale”, “Falsifikimi i vulave, stampave ose formularëve”, “Ndërtim pa leje”, parashikuar nga nenet 287, 190 dhe 199/a/3 të Kodit Penal.
Policia në bashkëpunim me Prokurorinë e Rrethit Gjyqësor Shkodër, pas një hetimi disa mujor bënë të mundur dokumentimin e aktivitetit kriminal të shtetasit Bardhok Planaj, i cili prej disa vitesh kishte filluar ndërtimin për qëllime përfitimi të një objekti 10-katësh pa u pajisur me lejet përkatëse të lëshuara nga organet kopetente.
Gjatë hetimeve të kryera ka rezultuar se ky objekt është financuar nga të ardhura që dyshohet që kanë ardhur si rrjedhojë e aktivitetit kriminal që ka kryer ky shtetas më parë…”, thuhet në njoftimin e policisë.
Po kush ësh të Bardhok Pllanaj? Ai gëzon epitetin “kumbar” – “Kumbari i Shkodrës”, për shkak të lidhjeve me shumë afera kriminale. Emri i tij doli në rastin e fshehjes së një personi të kërkuar nga policia, pikërisht në automjetin e ish-deputetit Mark Frroku këtu e 3-4 vite më parë, duke iu shmangur kontrollit policor. Njeriu “në bagazh” mendohej që ishte Bardhok Pllanaj. /tesheshi.com/
