Këto ditë në ankandet e bay kanë dalë në shitje një palë gërshërë shumë të rralla dhe të veçanta. Janë mbi 200-vjeçare dhe të ruajtura në mënyre të shkëlqyer. Ato, sipas shitësit gërshërët i përkasin shekullit të 18-të, pjesë e artizanatit të Perandorisë Osmane.
Janë të dekoruara me mbishkrim në të gjithë gjatësinë e tyre, i gjithi me ar të pastër. Përveç dekorimit me kaligrafinë e larë në ar ajo ka në artikulacionin e nyjes së kontaktit në pjesën e boshtit të montimit të teheve prerës një rondele metalike në të cilën ndodhen dhe një sasi gurësh të çmuar.
Janë rreth 12 copë të tilla në të dyja anët e gërshërës, që i përkasin prerjeve të vjetra të gurëve të çmuar, nga të cilët 10 janë rubinë, ndërsa guri qëndror është një gur diamanti.
Rubinët, nga sa shihet në foton që po paraqesim, janë të montuar në mënyrë rrethore rreth gurit të diamantit. Gërshëra duhet të ketë bërë pjesë në inventarin e një rrobaqepësie për persona të shtresës së lartë.
Nga elementët delikatë dhe zbukurimet cilësore plot me finesë që ka në të, gërshëra duhet të jenë përdorur nga ndonje femër aristokrate ose që punonte për këtë shtresë të lartë të Perandorisë Osmane.
Përmasat e saja janë rreth 8 + 1/8 inç e gjatë dhe 1 + 3/8 inç gjërësi kur është e mbyllur në pjesën e dorezave.
Edhe në pjesën e gishtëzave të saja ajo ka një përshtatje mekanizmi për hapje mbylljen. Burimi i shitjes se sajë është nga Newport, shteti New Hampshire, i SHBA. Çmimi fillestar i gërshërës së ankandit është 7.500 dollarë. /tesheshi.com/
