Ish-kancelari i Gjermanisë, Gerhard Schröder, mbush sot tetëdhjetë vjet me gruan e tij të pestë në krah. Kancelari i shtatë i Republikës Federale do të festojë ditëlindjen në mungesë të mikut të tij, Vladimir Putin.
Vihet re se lideri 71-vjeçar i Rusisë ka një “ndalim” nga Perëndimi përmes sanksioneve të vendosura ndaj tij për luftën që i shpalli në Ukrainë.
Kancelari aktual i Gjermanisë, Olaf Scholz, si dhe presidenti i vendit, Frank-Walter Steinmeier, u shkruan gazetave gjermane FAZ dhe Bild për të uruar Schröder-in për ditëlindjen e tij të 80-të.
Socialdemokratët, partia që katapultoi Schröder-in në arenën politike të Eurozonës, distancohen prej tij pasi ai vazhdon të ruajë lidhjet me Kremlinin. Përveç kësaj, ai ende punon në emër të kompanisë ruse të gazit Nordstream.
Siç raporton gazeta gjermane Bild, në ditëlindjen e Schröder-it, e cila çdo herë shënonte mbushjen e një dekade, Putin ishte gjithmonë në krah të mikut të tij.
Në prill të vitit 2004, kur Schroeder festoi ditëlindjen e tij të 60-të në Hanover, ai e mirëpriti ngrohtësisht liderin rus.
Por edhe kur shuajti 70 qirinj, Putin ka qenë pranë tij për t’i uruar “gëzuar ditëlindjen”.
Një guru në krah të Schröder-it për gjashtë vitet e fundit është gruaja e tij e pestë, 53-vjeçarja So-Yeon-Kim nga Koreja e Jugut. Kim ka punuar si përkthyese për ish-Kancelarin gjerman.
Marrëdhënia e tyre doli në dritë kur gazetarja Doris Kopf, gruaja e katërt Schröder-it, nuk ngurroi të deklaronte se Kim luajti një rol në zgjidhjen e martesës së tyre. Çifti u martuan në vitin 2018. Që atëherë ata janë të pandarë.
Kim e mbështet atë në çdo hap të rrugës, ndryshe nga socialdemokratët gjermanë, të cilët nuk mund ta falin atë për qëndrimin e tij ndaj Rusisë, ndërsa lufta në Ukrainë është ndezur.
Në maj 2022, Komiteti i Buxhetit i Bundestagut të Gjermanisë rekomandoi shkurtimin e përfitimeve të Schröder-it.
Ai vendosi t’i hiqte detyrën që mbante në parlament dhe bashkëpunëtorët që punonin në të. Pensioni dhe siguria e tij personale nuk u prekën. Por Schröder vazhdon të shijojë gëzimet e jetës. Me gruan e tij të pestë, ai ka udhëtuar pothuajse në të gjithë botën vitet e fundit. /tesheshi.com/
