Aktori i njohur francez, Gerard Depardieu ka bërë një deklaratë të fortë pasi i bëri me dije opinionit se ka vendosur ta zhvendosë jetën në Algjeri, siç ka bërë Eric Cantona, ish-ylli i futbollit francez gjatë viteve ’90.
Depardieu nuk ngurroi ta quajë ushtrinë e vendit të tij, atë të para më shumë se një shekulli e cila pushtoi Algjerinë, si një “ushtri injorantësh”
“Populli algjerian është një popull i zgjuar i goditur nga një ushtri injorante në vitin 1830”, tha ylli i kinemasë franceze që pak vite më parë morri nënshtetësinë ruse, ndërkohë që e zhvendosi jetën në Belgjikë. E tani ka zgjedhur Algjerinë duke thënë se e ka si “shtëpinë e tij.”
“Së shpejti ashtu si Eric Cantona edhe unë do të fillojë të jetoj në Algjeri. E zgjodha Algjerinë sepse është një shteti i mrekullueshëm”, tha Depardieu për gazetën La Provence.
Depardieu tha se në Algjeri zotëronte një vreshtë prej 50 hektarësh. /tesheshi.com/
