George Clooney po përgatitet të bëjë një film në lidhje me Helmetat e Bardha – Mbrojtjen Civile të Sirisë, 3 mijë vullnetarët e së cilës kanë vepruar si vijë e parë në vendin e shkatërruar nga lufta. Thuhet se Clooney po përdor si burim tij një dokumentar të shkurtër të Netflix mbi Helmetat e Bardha, i cili u emetua në shtator dhe është në listën e të nominuarve për Oscar të këtij viti.
Clooney dhe producenti Grant Heslov janë janë në kërkim të një autori përmes kompanisë së tyre të produksionit Smokehouse Pictures. AAC përfaqëson të drejtat e dokumentarit.
Helmetat e Bardha, në regji të Orlando von Einsiedel dhe produksion të Joanna Natasegara, është në listën e dokumentarëve të shkurtër konkurentë për çmimin Oscar.
Helmetat e Bardha, puna e të cilëve ka sjellë vëmendjen e publikut të gjerë për pasojat nga lufta civile që filloi në vitin 2011, është kurorëzuar me shpëtimin e jetës së rreth 60 mijë njerëzve. Vetë grupi ka humbur rreth 150 anëtarë.
Ne, Helmetat e Bardha, ne kemi një moto: “Të shpëtosh jetën e një njeriu është si të shpëtosh gjithë njerëzimin”, thotë një vullnetar në dokumentar.
Vitin e kaluar, Clooney tha për BBC se ai donte të bëjë më shumë për të ndihmuar popullin e Sirisë, por pa u përfshirë zyrtarisht në politikë. Në vitin 2005, aktori fitoi një Oskar për rolin e tij si një operativ i CIA-s në Syriana, e cila ishte e vendosur në një shtet pa emër në Gjirin Persik. /tesheshi.com/
