Amnesty International, organizata për të drejtat e njeriut, i hoqi çmimin prestigjioz të të drejtave të njeriut, udhëheqëses së Mianmarit, Aung San Suu Kyi, dhënë në vitin 2012.
Sipas Amnesty, Aung San Suu Kyi kreu një tradhëti të turpshme të vlerave që ajo dikur e përfaqësonte.
Kjo është e fundit në një seri shpërblimesh që janë marrë gruas që udhëheq Mianmarin, që me shpërthimin e genocidit ndaj popullsisë Rohinga.
Çmimi iu dha ndërsa ajo ishte në arrest shtëpie, dhe ish-sekretarja e Amnesty International, Irene Khan e përshkroi atë si “një simbol të shpresës, guximit dhe luftës së palodhshme për të drejtat e njeriut”.
Por sot, komuniteti ndërkombëtar pretendon se veprimet e qeverisë së Mianmarit po kryejnë spastrimim etnik.
Amnesty International thotë se gjatë një fushate të dhunshme kundër rohingave vitit të kaluar, forcat e sigurisë në Mianmar kanë vrarë mijëra njerëz, përdhunuar gratë, arrestuar burrat e torturuar burra, djegur qindra shtëpi dhe fshatra. /tesheshi.com/
