“Pjesa më e rëndësishme për të cilën do të doja të flisja është ajo e ndryshimeve që kërkohen të bëhen në Kushtetutë mbi orientimin seksual. Ne jemi parti konservatore dhe nuk mund të votojmë ndryshime kushtetuese që shkojnë në një tjetër linjë. Që në fillim e kam ditur që me b….dhe me zor do të futemi në Europë, por jo të futemi se do shesim b….”. Unë po e them hapur se ndahem nga partia ime, nëse partia ime vendos të votoje këtë ndryshim kushtetues. Pra vota ime do të jetë kundër”, citohet nga media të ndryshme të ketë thënë Ruli në një mbledhje me dyer të mbyllura në selinë blu.
Ky është i pari reagim nga radhët e politikanëve të lartë që shprehen kundër ligjërimit të martesave gej, pas një hileje në mënyrën se si do futet një frazë në kuadër në ndryshimeve kushtetuese për hir të reformës së shumëpërfolur, në një nen që ka të bëjë (mos)diskriminimin.
Zërat shoqërore e mediatikë që janë kundër instalimit ligjor të martesave gej, kanë kërkuar nga PD-ja që si forcë e djathtë konservatore të mos i votojë ndryshimet kushtetuese që u hapin rrugë këtyre lloj martesave. Dhe Genc Ruli bëhet i pari demokrat që shprehet “kundër”. /tesheshi.com/
