TAP, ndërtimi i të cilit filloi katër vjet e gjysmë më parë, ka përfunduar në mënyrë thelbësore dhe është mbushur me gaz natyror nga kufiri greko-turk në terminalin e pritjes në Italinë e Jugut dhe përgatitjet janë duke u zhvilluar për përdorimin e tij tregtar në nëntor, raporton portali britanik Ëorldpipelines, i specializuar në temat e industrisë.
Sipas të njëjtit portal, interkonektori i gazit, i cili do të lidhë TAP dhe sistemin italian të gazit Snam Rete Gas në Pulia (Itali), pritet të përfundojë dhe të jetë gati për transportin e gazit nga mesi i nëntorit.
Ky tubacion supozohet të transportojë gaz natyror nga fusha gjigante Shah Deniz II nga pjesa azerbajxhanase e Detit Kaspik, në Evropë.
Gazsjellësi prej 878 kilometrash është i lidhur me sazsjellësin Trans-Anatolian (TANAP) në kufirin turko-grek në Kipoi dhe kalon territorin e Greqisë, Shqipërisë dhe Detit Adriatik deri në bregdetin e Italisë së Jugut.
TAP, strategjikisht i rëndësishëm për Evropën
Rruga përgjatë së cilës shtrihet TAP mund të lehtësojë furnizimin me gaz në disa vende në Evropën Juglindore, thekson portali, dhe shton se pika e tij përfundimtare në Itali ofron mundësi të shumta për transport të mëtejshëm të gazit Kaspik në tregun e gjerë evropian.
Gazsjellësi TAP është pjesë e Korridorit Jugor të Gazit, i cili është strategjikisht dhe ekonomikisht i rëndësishëm për Evropën, pasi ai ka një rol të rëndësishëm për të luajtur në forcimin e sigurisë evropiane të energjisë, diversifikimin e furnizimeve dhe qëllimet e dekarbonizimit.
Aksionarët e TAP janë British Petroleum (20 përqind), kompania shtetërore e Azerbajxhanit SOCAR (20 përqind), Italia Snam (20 përqind), Belgjika Fluxys (19 përqind), Spanja Enagas (16 përqind) dhe Zvicra Axpo me 5 përqind të aksioneve. /tesheshi.com/
