Gazprom ndërton një central të madh eletrik në Republika Srbska dhe sfidon BE-në që ka ndaluar Sarajevën që të importojë gaz nga Rusia.
Presidenti i Republika Srbska-s, Milorad Dodik ka firmosur nisjen e një superinvestimi rus në Banja Luka dhe Zvornik, ku gjigandi rus ka investuar 80 milionë euro.
Siç bën të ditur kreu i Gazprom për teknologjinë, Aleksej Konstantinovicc Kahidze: “investimi i ri në Zvornik do të sigurojë një prodhim më të madh energjie me kosto më të vogël dhe do të lidhë sistemin e ngrohjes për çdo serb të Bosnjës, si dhe do të furnizojë linjat e autobusëve publikë”.
Dodik në fjalën e tij tha se “Gazprom do të hapë mijëra vende pune dhe asnjë serb nuk do të vuajë nga papunësia”. Në Republika Srbska ndodhen rafineritë më të mëdha të naftës në Bosnjë, megjithëse ky shtet nuk prodhon asnjë pikë naftë dhe gaz.
Republika Srbska është kthyer në vendin kyç të Rusisë në Ballkan, pasi aty ndodhet pika fundore e linjave të gazit dhe naftës për të furnizuar Europën Veriore.
Zvornik ndodhet pikërisht në kufirin lindor të Bosnjës me Serbinë dhe është pikë strategjike për të lidhur pjesën veriore të Republika Srbska-s me atë jugore. Gjatë luftës ky qytet ka qenë pjesë e masakrave dhe spastrimit etnik. Muslimanët i larguan fare nga qyteti.
Me kalimin e kohës kuptohet më shumë dhe arsyet se pse luftrat e masakrat bëheshin në ca fshatra malorë e të humbur që nuk i “duheshin as dreqit”. Dikujt i qënkërkan dashur. /tesheshi.com/
