Nga Mensur Krasniqi
Në emisionin e mbrëmshëm “Rruga drejt” në Alsat-M drejtuesja e misionit Arta Tahiri ka pyetur Ziadin Selën dhe Bilall Kasamin lidhur me bashkpunimin e mundshëm të opozitës dhe diferencat mes tyre. Këta të pasigurt në përgjigjet e tyre rreth formës dhe mënyrës së bashkëpunimit.
Kryetari i LR-PDSH-se, Ziadin Sela i cili ka folur i pari për këtë temë në emision u shpreh:
“Gjithmonë kemi thënë dhe ja po e them edhe sonte publikisht, po ja them drejtpërdrejtë Bilall Kasamit. Unë që sonte e nënshkruaj bashkpunimin me Lëvizjen “Besa”, por kjo të nënkuptojë daljen e përbashkët në zgjedhje, me lista të përbashkëta përndryshe nuk e di cka nënkupton bashkpunimi apo bashkimi” tha Ziadin Sela.
Edhe kryetari i Lëvizjes “Besa” Bilall Kasami, poashtu ka thënë se është për bashkpunim, por ai ka shtuar se ky bashkpunim duhet të bëhet në kuadër të këshillit mbipartiak të inicuar nga Lëvizja BESA.
Nga ana tjetër zgjedhjet e parakohëshme parlamentare po afrohen, ndërsa ky bashkëpunim realisht ende nuk po ndodh. Se bashkëpunimi është i domosdoshëm për të rrëzuar BDI-në nga qeveria, flasin edhe zërat që po sillen në opinionin e gjërë, ku thuhet “ pa bashkimin e forcave opozitare BDI-ja nuk fitohet”. /tesheshi.com/
