Pas shumë akuzave dhe kundërakuzave në raportet e marrëdhënieve ndëretnike në Maqedoni, dhe në kulmin e krizës shkaktuar nga reagimet për ndërtimin e kryqit dhe shqiponjës në Butel, gazetarja maqedonase Biljana Sekulovska, publikisht “turpërohet” që nuk njeh shqiptarët fare.
Ajo gjithashtu publikisht thotë se edhe “shqiptarët edhe krijimet e tyre janë pjesë e identitetit të saj”, diçka që pak maqedonas e thonë dhe e pranojnë.
Sekulovska këtë “turp” e ka bërë me dije në ditën e manifestimit ”Milingona e Artë 2015” ku ajo ishte e ftuar si mysafire.
Në një shkrim për NovaTV ajo thotë: ”Nuk njoh askënd, dhe asnjëherë nuk kam dëgjuar për këto njerëz, për artistët e tyre të mëdhenj, as edhe diçka të vogël nuk dija, të paktën të më bënte përshtypje emri apo vepra e tyre. Këta njerëz janë pjesë e jona, veprat e tyre janë pjesë e jonë, e shtetit tonë, identiteti ynë. Asnjëherë nuk do të jemi njerëz më të mirë pa ta, pa gjuhën e tyre, kulturën e tyre dhe mirësinë që ata na japin.” shkruan Sekulovska duke ju referuar shqiptarëve, të cilët iu desh t’i njihte në evenimentin ”Milingona e Artë 2015”. /tesheshi.com/
