Gazetarja e rrjetit të njohur CNN, Kate Bolduan,ka shpërthyer në lot në transmetim direkt teksa komentonte pamjet rrënqethëse të vogëlushit sirian, i cili u nxor nga gërmadhat e shtëpisë së tij, i mbuluar i gjithi në pluhur dhe gjak.
Bolduan, një gazetaree respektuar në punën e saj, u tha teleshikuesve se sa ndryshe është jeta e Omran Daqneesh, të voglit sirian, në mesin e një luftë të paimagjinueshme, me jetën që gëzojnë fëmijët amerikanë.
I mbuluar në pluhur nga koka të këmbët, Omrani duket i shokuar. Një plagë e hapur në pjesën ballore, mbulon në gjakgjysmën e fytyrës së tij. E gjitha kjo si pasojë e bombardimeve që shkatërruan shtëpinë e tij.
Ndërsa jepte detaje mbi mënyrën se si Omrani dhe familja e tij ishin “nxjerrë për së gjalli nga ajo që kishte mbetur nga shtëpia e tyre, pasi ishin varrosur nën gërmadha.,” zëri i gazetares fillon të dridhet.
Në një editorial të shkurtër, të ndërprerë nga lotët, ajo thotë:
“Ajo që më prek më shumëështë fakti se ne derdhim lot, por nuk ka lot këtu. Ai (vogëlushi) nuk derdh asnjë lot. Fëmija i vogël ndodhet në një shok total. Ai gjendet pa ndjenja në shtëpinë e tij, e një moment më pas, e gjen vetën të humbur midis stuhisë dhe tërbimit të luftës e kaosit.”
Ai përfudon:
“Ky ështëOmrani. Është gjallë. Ne deshëm që ta dinit.”
Fotoja e vogëlushit sirian është shpërndarë me miliona herë në rrjete sociale, duke ngjallur një debat të madh nëse kombet e fuqishme realisht po e neglizhojnë këtë krizë. /tesheshi.com/
https://youtu.be/r41foRA-QvE
