“Aderimi im në PDK është bërë pa asnjë kusht”- tha sot pasdite gazetarja Arbana Xharra, sih-kryeredaktore e gazetës Zëri në Prishtinë. Kjo nuk ka qenë fraza që publiku pret nga një gazetare, pasi dhe komentet në rrjetet sociale shprehin revoltë për këtë kalim të saj nga gazetaria në politikë.
Ky aderim është konsideruar i rëndësishëm nga kryetari i kësaj partie Kadri Veseli, i cili ka thirrur një konferencë të posaçme për shtyp për të prezantuar anëtaren më të re të partisë duke e cilësuar këtë një “lajm të gëzueshëm”.
“Gjithnjë e më shumë njerëz të rinj po i bashkohen PDK-së. Jemi të përkushtuar ndaj rritjes së transparences, jam i vendosur për fuqizimin e grave në insitucionet tona dhe partinë tonë. Pa rolin e grave dhe pa fuqizimin e tyre nuk mund të kemi integrim të fuqishëm euroatlantik.E kam ftuar që të ndajë me ne përkushtimin e saj për Kosovën, si një anëtare e PDK-së”, tha Veseli.
Ndërsa gazetarja, që është nderuar dhe me çmim në Shtëpinë e Bardhë për rolin e saj në gazetari, tha se “është kjo parti e cila më premtoi hapësirë, kam ardhur pa asnjë kusht. Kam me vazhdu me dinjitet me punu, kam me vazhdu me qenë zëri i qytetarit të Kosovës. Vazhdojë me qëndru prapa shkrimeve që kam ba dhe kam me vazhdu me qendru kritikuese edhe brenda partisë”.
Më tej mediat në Kosovë lajmërojnë se strategjia e PDK-së për të përfshirë emra publikë në parti do të vijojë edhe me aderimin e gazetarëve të tjerë si;
Erëza Vela dhe Drejtori i Odës Ekonomike Amerikane Arjan Zeka./tesheshi.com
