Gazetarit dhe publicistit të njohur kosovar, Adriatik Kelmendit, në orët e hershme të mëngjesit të sotëm persona të panjohur i kanë shpërthyer të katër gomat e veturës.
Lajmin për tesheshi.com e ka konfirmuar Arianit Koçi, avokati i Kelemendit, i cili ka thënë se tashmë e kanë paraqitur rastin në polici.
“Po, sot në garazhin e z.Kelmendi persona ende të panjohur kanë hyrë dhe i kanë shpërthyer të katër gomat e veturës me thikë. Rastin e kemi paraqitur në polici dhe tashmë po kryhen hetimet lidhur me këtë”, ka thënë Koci, për tesheshi.com.
Ai më pas ka shtuar se dyshon se kjo të jetë bërë për shkak të kritikave të shumta që gazetari dhe publicisti Adriatik Kelmendi përcjell ndaj zhvillimeve në vend.
Ende nuk ka ndonjë reagim nga gazetari Kelmendi për rastin në fjalë.
Ndryshe, nga kriza politike që ka filluar në muajin shtator të vitit të kaluar shumë raste të djegies së veturave zyrtare kanë ndodhur në Kosovë, por autorët nuk janë kapur. /tesheshi.com
