Njëri ndër gazetarët më të zëshëm dhe më kritik në Maqedoni ndaj politikës së partisë shqiptare në pushtet, BDI-së, Muhamed Zeqiri, në mënyrë publike ka njoftuar opinionin e gjërë se kohës fundit janë shtuar kërcënimet ndaj tij dhe familjes së tij.
Por ai thotë se nuk do ndalojë ta thotë atë që mendon, pasiqë frika ka vetëm Zotin. Ndërsa për BDI-në ka deklaruar se “ata kanë humbur rrugën në oborrin e tyre, dhe e vetmja gjë që ju ka ngelur janë kërcënimet ndaj atyre që nuk mendojnë si ata.”
Statusi i plotë në FB i gazetarit Muhamed Zeqiri.
“Nga ajo që ka caktuar Allahu nuk mund të ik askush.
I frikësohem vetëm të madhërishmit Allah dhe askujt tjetër.
Të nderuar miq dua publikisht këtu t’ju drejtohem dhe t’ua bëj me dije se kërcënimet ndaj meje dhe familjes time janë shtuar ditëve të fundit. Qëllimi është i qartë për të më shqetësuar dhe frikësur. Por u’a bëj me dije të gjithë atyre se nuk ju frigohem e as shqetësohem.
Unë do të vazhdoj të jem ai që kam qenë, po ai Muhamed që më njihni. Unë do të vazhdoj të ndaj me ju qëndrimet e mia publikisht mbi zhvillimet në vend . Shumëkujt mund ti mos i pëlqejnë por unë nuk do të pushoj të flas dhe ta them atë që mendoj. E di se partia shqiptare në pushtet BDI bashkë me sahan-lepirësat e tyre janë të shqetësuar dhe kanë humbur rrugën në oborrin e tyre dhe e vetmja gjë që ju ka ngelur është kërcënimi dhe frikësimi ndaj atyre që nuk mendojn si ata.
Nuk ju frigohem o të mjerë!!!
Nga kaderi i Allahut askush nuk mund të ik. Unë njëher kam lindur dhe njëher do të vdes. Deri në frymën time të fundit do të luftoj të keqen dhe zullumqarët.
Me rrespekt i juaji Muhamed Zeqiri”, ka shkruar Muhamed Zeqiri.
/tesheshi.com/
