Gazmend Morina, gazetar i portalit veriu.info në Mitrovicë, doli në një konferencë për shtyp duke akuzuar menaxherin e Trepçës, Ahmet Tmava ai dhe atë të sigurimit teknik në këtë minierë, Rafet Ibishi, se janë pikërisht ata që qëndrojnë pas një sulm fizik ndaj tij një ditë më parë.
“Sulmi i tyre ka ardhur pas një kërcënimi që më kanë bërë në Saraj të Shkupit, ku më kanë kërcuar fizikisht Nexhat Dedia, Labinot Krasniqi dhe Daci”, ka thënë Morina.
Më pas ai ka sqaruar se kanë qenë Nexhat Dedia dhe Labinot Krasniqi ata të cilët e kanë sulmuar me shufra hekuri.
“Mendoj se prapa këtij sulm qëndrojnë Ahmet Tmava dhe Rafet Ibishi, të cilët në ditën e kërcënimit kanë qenë ulur në tavolinë me personat që më kanë sulmuar fizikisht” ka thënë Morina.
“Sulmi ka qenë i organizuar pasisq të hënën në Vushtrri kanë qenë 11 persona, duke përfshirë Nexhat Dedin, që tani është anëtar i bordit të ‘Infrakosit’, Labinot Krasniqin, Rafet Ibishin si dhe disa persona të tjerë, që unë emrat nuk jua di, e që kanë marr pjesë në organizimin e sulmit ndaj meje.
Mirëpo të hënën, pasiqë isha në polici duke dhënë deklaratën time, ata nuk më kanë gjetur ndërsa që të martën rreth orës 15: 50 deri sa isha duke hyrë në makinën time, më ka sulmuar Labinot Krasniqi dhe Nexhat Dedia me shufra të ngjashme sikurse të policisë së Kosovës duke më shkaktuar lëndime të rënda trupore”, ka thënë gazetari.
Ai ka shtuar se sulmi ka qenë i përgatitur nga zyrtarët e Trepçës, pasi që portali veriu.info në vazhdimësi ka raportuar për keqpërdorimet që janë bërë në këtë ndërmarrje.
Morina ka akuzuar edhe prokuroren e rastit se nuk e ka kryer detyrën si duhet, pasi dhunuesit i kanë liruar pas intervistës së dhënë në polici.
“Edhe pse rastin e kërcënimit e kam paraqitur një ditë më parë, prokurorja e Prokurorisë Themelore të Mitrovicës, Fikrije Sylejmani, e cila ka rastin, sulmuesit i ka liruar në procedurë të rregullt”, ka thënë Morina dhe ka shtuar se kjo prokurore tani është specializuar në rastin e gazetarëve pasi që edhe në të kaluar sulmuesit e gazetarëve i ka lëshuar në proceduar të rregullt duke bërë shkeljen me dy këmbët të ligjit.
Zëdhënësi i policisë për rajonin e Mitrovicës Avni Zahiti, lidhur me këtë rast ka thënë për portali tesheshi.com se polica është duke i kryer të gjitha hetimet ndërsa që me urdhër të prokurorit të dyshuar janë liruar në procedurë të rregullt.
Nga ana tjetër, zyrtarë të ndërmarrjes Trepça, përmes një njoftimit të dërguar për media kanë hedhur poshtë pretendimet e gazetarit se gjoja menaxhmenti i Trepçës është i implikuar në këtë sulm.
“Unë Ahmet Tmava, menaxher i ndërmarrjes Trepça, dëshiroj të sqaroj opinionin e gjerë lidhur me një shkrim të gazetarit të portalit veriu.info Gazmend Morina që më implikon mua si një nxitës i incidentit në fjalë, se nuk kam asgjë personale me gazetarin në fjalë dhe në asnjë mënyrë nuk kam lidhje me incidentin në fjalë” thuhet në njoftim.
Tmava ka shtuar se distancohet nga çdo veprim antiligjor dhe që fuqishëm e respekton fjalën e lirë.
“Nuk është në etikën time morale, profesionale, familjare të merrem me veprime të tilla, këtë e kam dëshmuar gjatë tërë veprimtarisë jetësore, si menaxher kam qenë dhe do të jem bashkëpunues me të gjithë gazetarët pa përjashtim, sepse fjala e lirë është e shenjtë”, ka thënë në reagimin e tj Ahmet Tmava menaxher i ndërmarrëjes Trepça.
“Nuk kam asnjë lidhje me sulmin për të cilin gazetari mundohet të më implikoj”, ka thënë thënë Rafet Ibishi, udhëheqës i sigurimit në Trepçë, për portalin tesheshi përmes telefoni. /tesheshi.com/
