Pas ditësh në heshtje të plotë, gazetari i njohur i kronikës së zezë, Artan Hoxha, njëherësh studio më studio dhe për sport, politikë çështje sociale, ka folur mbi implikimin e tij të dyshuar me grupe kriminale. Më saktë, ai është nën hetim nga SPAK pas përgjimeve që e kanë nxjerrë të zbuluar mbi raportet e afërta që kishte me Suel Çelën, një prej kokave të krimit në Elbasan dhe si punonte për të në media.
Megjithatë, ai është mbrojtur me tezën e njohur juridike prezumimit të pafajësisë.
“Këto ditë kam dëgjuar, kaq shumë shfrenim fantazie, madje nga disa që hiqen si baballarë të gazetarisë, që prezumojnë pafajësinë. Këto nuk janë as prova, janë dyshime. Unë nuk jam i pandehur por person nën hetim. Këto u trajuan si prova të mirëfillta dhe unë jam bos i krimit të organizuar.
U nxorrën qëllimisht për të dëshmuar se çfarë kisha bërë, sikur kam bërë komplot kundër kryeministrit të vendit. Pra, u krijua ideja që unë isha një nga njerëzit kryesorë të organizatës.
Unë kam folur dhe të flas me të gjithë njerëzit e botës së krimit për të marrë informacion që më çojnë te politikanë më të rëndësishëm të këtij vendi”, tha ai në një media.
Hoxha përmendi metaforikisht dhe “plumbin e fundit”, duke akuzuar njëherësh qeverinë për implikim e krimin e përjashtuar veten nga kjo.
“Unë jam përgatitur për në burg. Unë ‘plumbin e fundit’ nuk e mbaj për vete e mbaj për një tjetër. Atë që kisha frikë më ka ndodhur, Tani s’kam frikë më. Unë kam qenë me gjyq me Sali Berishën, me Fatos Nanon. Këta deshën s’deshën më kanë përgatitur edhe për këtë gjë.
Unë po e them këtë sonte: Mafia më e madhe është krimi politik, nuk janë bandat e tjera, por vetë politika”. /tesheshi.com/
