Në mbyllje të një konference zhvilluar në Luoyang të Kinës, organizuar nga Pacific Asia Travel me një numër shoqatash të turizmit të aventurës, u përmend dhe rasti i Parkut të Butrintit në Shqipëri si dhe nominalisht, ish-drejtori i këtij parku, Auron Tare.
Ishte gazetari i njohur i Financial Times, Tim Neville ai që foli në lidhje me fuqinë transformuese të turizmit të udhëtimit, duke përfshirë edhe histori personale. Nevil përmendi raste nga mbarë bota ku është punuar për të ruajtur të veçantat në vendet përkatëse, ku kanë spikatur individë të ndryshëm. Dhe u përmendën prej tij vende si Shqipëria, Afrika e Jugut dhe Zvicra me përvoja të tilla shembullore.
Në rastin e Shqipërisë, u soll pikërisht Parku i Butrintit si modelin më i mirë i ruajtjes së trashëgimisë kulturore, duke iu adresuar si meritë kryesore ish-drejtorit Auron Tare.
Po ashtu, Neville paraqiti dhe ekspoze të turizmit të qëndrueshëm në ndërtimin e modelit të ndërthurur mes bregdetit dhe zonave malore në jug të Shqipërisë të paraqitur nga Agjencia Kombëtare e Bregdetit, drejtuar aktualisht nga Tare. /tesheshi.com/
