“Erdogan ka një axhendë fetare në Shqipëri…”, tha gazetari Mentor Kikia, i afërt me rrjetin Gulen në Shqipëri, ndonëse ateist. Megjithatë, ai nuk specifikoi se çfarë synon axhenda e pretenduar e Erdoganit në planin fetar.
Është kjo një akuzë klishe në islamofobinë e medias shqiptare, ku veçon Kosova.
Akuza shkon deri te fraza “ka një axhendë”, por se çfarë ka axhenda nuk thuhet.
Kikia ishte i ftuar në Euroneës Albania për të folur rreth raportit Rama-Erdogan, me shkak mbylljen e kolegjit “Mehmet Akif” me vendim qeverie, ku thuhet se kjo shkollë ka bërë shkelje ligji që çuan në vendim.
Aty, gazetari në fjalë komentoi dhe mos’hapjen ende të Xhamisë së Madhe, duke ia atribuuar këtë pikërisht presidentit turk.
“Ka një çështje më të madhe që është xhamia e Namazgjasë, çelësat e xhamisë i kanë turqit. Komunitetit Musliman i ndalohet të shkelë në territorin e xhamisë. Inaugurimi i xhamisë do të thotë t’i dorëzohet Komunitetit, por kjo nuk ndodh se Erdogan nuk e njeh Komunitetin Musliman dhe e konsideron të kapur nga gylenistët. Erdogan ka një agjendë fetare në Shqipëri dhe marrëdhëniet Turqi-Shqipëri janë shndërruar në marrëdhënie Rama-Erdogan”, tha Kikia. /tesheshi.com/
