Gazetari i njohur investigativ Artan Hoxha, ka zbuluar një fakt të panjohur në lidhje me sulmin e para disa javësh të dy eksponentëve të LSI-së ndaj ish-ministrit Tahiri: Vangjel Tavos dhe Lefter Kokës.
Bëhet fjalë për një sulm frontal ku të dy, si Tavo e si Koka akuzonin dy krerë Rendi si trafikantë droge, duke goditur në fakt kreun ministrin Tahiri; dhe ku që të dy i përkisnin drejtorive të policisë respektive: Gjirokastrës (aty ku është Tavo) e Durrësit (ku është Koka).
Sipas Hoxhës, si në Gjirokastër e si në Durrës, janë ndaluar nga forcat e policisë dy trafikantë të fuqishëm droge – duke lënë të kuptuar se janë afër LSI-së – një sinjal ky i dhënë nga Tahiri për aleatin se e njeh mirë misionin e të ndaluarve.
Dhe kanë qenë pikërisht këto dy ndalime që kanë irrituar LSI-në, pasuar nga shpërthimet e Tavos dhe Kokës. /tesheshi.com/
