Gazetari i njohur i kronikës Artan Hoxha, ka publikuar një video kur pretendon se në të është kryebashkiaku i Bulqizës Lefter Alla duke konsumuar lëndë narkotike.
Hoxha tha se për këtë video është kërcënuar nga njerëz të afërm të Allës, por që ai vendosi t’a publikojë pavarësisht presionit.
“E di shumë mirë që kur del një e vërtetë cënohen shumë interesa. Reagimi i tyre është që të sulen te njerëzit që u kanë prishur punë”, tha Hoxha për ABC News, ekranin ku e shfaqi.
Gazetari tha se e ka bërë këtë si një denoncim në funksion të një ndërgjegjësimi për njerëzit e përzgjedhur që iu është besuar pushtet. /tesheshi.com/
