Arben Llalla, një gazetar i njohur i angazhuar fort në denoncimin e politikave greke ndaj Shqipërisë, ka publikuar së fundi një foto me shtëpinë e Hasan e Prishtinës në Selanik, të cilën ai e quan “shtëpi-pallat”, siç dhe duket qartë për nga madhësia e madhështia njëherësh, falë një stilit arkitekturor impozant.
Por më shumë se një kuriozitet, publikimi i kësaj fotoje ka patur si mesazh denoncimin e faktit se kjo pronë mbahet padrejtësisht nga shteti grek, ndërkohë që i është dhuruar Shqipërisë nga i ndjeri, ish-figurë udhëheqëse e saj. Fatin e saj sipas Llallës, e kanë dhe prona të tjera të ngjashme .
“Shtëpia-Pallat e ish-kryeministrit të Shqipërisë Hasan Prishtina në Selanik, ky objekt është pronë e një shtetasi të Shqipërisë, prandaj do të ishte e udhës që Shqipëria të kërkonte zyrtarisht rikthimin e pronës së shtetasit të saj. Janë me dhjetra shtëpi dhe pasuri të patundëshme të shtetasve të Shqipërisë që pas vdekjes së tyre u janë dhuruar Shqipërisë, por ende Shqipëria nuk ka mundur ti marë. Duhen të hapen letrat dhe jo të heshtet për këto prona”, shruan Llalla. /tesheshi.com/
