Gazetarët nga e gjithë bota kanë mbrojtur themeluesin e WikiLeaks, Julian Assange dhe kanë bërë thirrje për një peticion kundër ekstradimit të tij në Shtetet e Bashkuara. Një nisëm e quajtur “Speak up for Assange” ka mbledhur 900 nënshkrime nga 89 vende në dy javë.
“Më në fund më erdhi mendja pasi u verbova dhe unw nga propaganda. Ata po shpifnin Assange gjithë kohën për të shpërqendruar nga krimet që ai kishte zbuluar”, tha hetuesi Nils Melzer duke ndjekur çështjen e tij.
“Pasi dehumanizohej përmes izolimit, talljes dhe turpit, ishte e lehtë ta privoje atë nga të drejtat themelore të njeriut pa shkaktuar zemërim publik në të gjithë botën”, shtoi Melzer.
Ai paralajmëroi që ekstradimi i tij në Shtetet e Bashkuara “do të krijonte një precedent ligjor që mund të zbatohej në të ardhmen për gjetjet e Guardian, New York Times dhe ABC Neës.”
48- vjeçari Assange mban 18 akuza nga SHBA, duke përfshirë komplotin për të ndërhyrë në kompjuterët e qeverisë dhe shkeljen e ligjit të spiunazhit. Nëse dënohet me burg, ai mund të kalojë disa dekada pas hekurave.
Avokatët e tij në Mbretërinë e Bashkuar thanë që Assange nuk mund të ekstradohet nga Britania në Shtetet e Bashkuara sepse një marrëveshje midis dy vendeve mbron ekstradimin për krime politike.
Assange, një qytetar australian, bëri bujë në fillim të vitit 2010 kur WikiLeaks lëshoi një video sekrete ushtarake amerikane të sulmit të vitit 2007, në të cilën dhjetëra njerëz u vranë nga helikopterët Apache në Bagdad, përfshirë dy punonjës të Reuters.
Përkrahësit e konsiderojnë atë si një hero i cili zbulon shpërdorimin e pushtetit të shteteve moderne dhe një simbol të fjalës së lirë.
Kritikët, megjithatë, pretendojnë se ai është një figurë e rrezikshme, i cili, në bashkëpunim me Rusinë, përpiqet të minojë sigurinë e Perëndimit dhe SHBA, dhe nuk e konsiderojnë atë si një gazetar. /tesheshi.com/
