Ajo që nuk ndodh me Berishën në studiot shqiptare, pra përballë gazetarëve shqiptarë, ka ndodhur në një përballje të tij me gazetarë kosovarë.
Siç në rastin kur nuk ju lejuar të etiketonte Baton Haxhiun (duke i thënë Stanishiq), ka qenë Imer Mushkolaj ai që i është drejtuar me një gjuhë që nuk ndodh të përdoret me Berishën nga kolegë të Mushkolajt në Shqipëri.
Në Debat Plus, mes tyre qe ky debat i nxehtë:
Berisha: Nga ana e protestës paqësore, u plagosën 12 persona dhe kjo është tabloja më e qartë e dhunës
Mushkolaj: Zoti Berisha, kur ju përmendni dhunën, mua më tingëllon shumë ironike, sidomos kur përmendni janarin, për shkak se ju në 21 janar kur ishit ju kryeministër, janë vrarë 4 protestues në Janar. Të sugjeroj që fjalën “dhunë” mos ta përdorni, sepse keni përgjegjësinë për vrasjen e 4 protestuesve në bulevardin e Tiranës. Jeni personi i fundit që duhet të flisni për dhunë.
Berisha: Ti shkon shpesh në Novi Sad, se ti je një gënjeshtar i pafytyrë.
Mushkolaj: Unë shkoj në Novi Sad por nuk e furnizoj makinerinë e Millosheviçit si ti. Vrasjet në bulevard i keni bërë ju.
Berisha: Ti je i pafytyrë, ty të frymëzon Novi Sadi. Ata protestues në datën 8 Janar po shkonin në shtëpinë e tyre të mbushur me banditë.
Mushkolaj: I kemi dëgjuar këto përralla, mos na i përsërit
Berisha: Përsa i përket 21 janarit, duhet të jesh i verbër dhe i pafytyrë që thua ishte protestë paqësore, nuk ka njeri në botë që e ka quajtur protyestë paqësore 21 janarin.
Mushkolaj: Ju keni përgjegjësi për vrasjen e protestuesve. Ke vrarë njerëz në bulevard. Kjo është njolla juaj e zezë pas Piramidave dhe pas Gërdecit.
Berisha: Ti ke sjellë një provokator nga Novi Sadi aty i cili gënjen në mënyrë të pafytyrshme. Cila ishte paqësore kush e ka thënë paqësore protestën e 21 janarit përveç atij mashtruesi ordiner, përveç Beogradit.
Mushkolaj: Beogradin të cilin e keni furnizuar me naftë, ke bahskëpunuar kur ishe President. /tesheshi.com/
