Në vitin 2014 nuk ka qenë vetëm Shqipëria pranë krizës financiare, por edhe Serbia.
Gazeta zvicerane Blick thekson se Serbia dhe Shqipëria kanë qenë një hap pranë falimentimit financiar dhe ata janë shpëtuar nga Banka Botërore dhe Fonti Monetar Ndërkombëtar, të cilët kanë marrë në kujdestari këto vende.
Kryeministrja e Serbisë, Ana Brnabiç, deklaroi për gazetën zvicerane se vendi i saj u detyrua të ulë rrogat dhe pensionet në fund të vitit 2014 që të parandalojë një katastrofë financiare.
Po ashtu edhe qeveria e Shqipërisë, shkruan Blick, frenoi shpenzimet publike dhe arriti të rrisë të ardhurat me anë të një reforme drastike për të mbledhur paratë e energjisë së harxhuar.
Por shkruan Blick, FMN nuk e ka marrë me sy të mirë rritjen e rrogave nga qeveria “Rama” në prag të fushatës së zgjedhjeve të 25 qershorit. /tesheshi.com/
