Televizioni serb B92 bën të ditur se qeveria e SHBA ka thirrur Alenksandër Vuçiçin në Uashington që të deklarojë përfundimisht prerë dhe qartë: Serbia është me Rusinë apo me Perëndimin?
B92 i referohet në shkrimin e tij, pikërisht gazetës së Moskës Kommersant, e cila njihet si një media serioze dhe me qasje të rëndësishme pranë Ministrisë së Jashtme ruse.
Gazeta në fjalë citon ato që ai i quan “qarqe të rëndësishme diplomatike në Ballkan”, sipas të cilave dy çështjet kyçe pse Vuçiç është thirrur në Uashington janë blerja e armëve nga Moska dhe statusi i punonjësve rusë të “Qendrës Humanitare të Nishit”.
Komersant thekson se “presidenti i sapozgjedhur i Serbisë, nuk mund të ecë më në dy brigje por do të duhet të zgjedhë Moskën apo Uashingtonin”
Vuçiç është takuar me Zv. presidentin e SHBA, Mike Pence dhe pritet të zhvillojë takime të rëndësishme në Kongres dhe Pentagon. /tesheshi.com/
