Gazeta ruse Vzglyad publikoi një raport në lidhje me përpjekjet e Parlamentit Evropian për të krijuar një gjykatë për krimet e dyshuara të kryera nga Rusia në Ukrainë.
Gazeta shkruan se më 19 janar, PE miratoi rezolutën e mbështetur nga 472 deputetë, 19 ishin kundër dhe 33 abstenuan gjatë votimit.
Rezoluta u bën thirrje institucioneve të Bashkimit Evropian që të kërkojnë mbështetje ndërkombëtare për krijimin e një gjykate speciale që do të shqyrtojë krimet e dyshuara ruse në Ukrainë.
Raporti, i përgatitur nga korrespondenti i gazetës Vasilij Stojakin, minimizon rëndësinë e hapave të ndërmarrë nga PE.
Theksohet se vendimet e PE-së nuk janë detyruese dhe se krijimi i një gjykate të tillë është ekskluzivisht në kompetencat e Këshillit të Sigurimit të Kombeve të Bashkuara, në të cilin Rusia është anëtare e përhershme me të drejtë vetoje.
“Ngritja e gjykatës do të bashkonte elitat ruse”
Ai gjithashtu kërkon mbështetjen e Asamblesë së Përgjithshme të OKB-së dhe organizmave dhe organizatave të tjera ndërkombëtare, duke përfshirë Këshillin e Evropës dhe Grupin e Shtatë.
Korrespondenti i gazetës tha se organi i krijuar në bazë të rezolutës së lartpërmendur të PE, edhe nëse është një gjykatë, nuk do të jetë në gjendje të ndërmarrë asnjë veprim shtrëngues kundër Moskës dhe udhëheqjes ruse në praktikë, duke përfshirë lëshimin e urdhër-arrestit kundër atyre që gjykata mund të konsiderojë të përfshirë në krime lufte.
Stojakin beson se qëllimi i një lëvizjeje të tillë nga PE është t’i sugjerojë komunitetit vendas rus dhe komunitetit ndërkombëtar që presidenti Vladimir Putin dhe udhëheqja ruse në tërësi të mund të gjykohen dhe dënohen për krime lufte kundër ukrainasve.
Teksti citon deklaratën e Oleg Tsaryov, një ish-deputet i parlamentit ukrainas, i cili tha se qëllimi i vendimit të PE ishte të inkurajonte Rusinë për të vazhduar luftën, duke shtuar se “qëllimi i krijimit të saj [gjykatës] është të motivojë Rusia të luftojë më fuqishëm, sepse përpjekjet tona të shumta për të arritur një marrëveshje [paqeje] dhe kërkesa jonë për negociata ngritën frikën e Perëndimit”.
Stojakin beson se çështja e krijimit të një gjykate do të bashkonte radhët e elitës ruse, e cila do të përpiqet të arrijë fitoren.
Kjo do të arrinte rezultatet për të cilat foli Komisioneri Evropian për Politikë të Jashtme dhe Siguri Josep Borrell, i cili më parë tha se Rusia është një vend i madh që ka bërë luftëra gjatë historisë.
“Dobësimi i Rusisë i shërben interesave të Perëndimit”
Ajo humbi disa nga ato luftëra, por më vonë i fitoi shpejt të gjitha.
Këtë ia bëri Napoleon Bonapartit dhe Adolf Hitlerit, kështu që do të ishte absurde të mendohej se Rusia do e humbë këtë luftë, tha ai.
Në raport thuhet se Perëndimi nuk përpiqet për paqen, por dëshiron që lufta të zgjasë më shumë, sepse dobësimi i Rusisë u shërben interesave të saj dhe se ajo ka frikë nga pasojat e rëndësishme që mund të ketë disfata e saj.
Autori arriti në përfundimin se Perëndimi nuk po përpiqet t’i shkaktojë Rusisë një disfatë katastrofike, duke marrë parasysh pasojat e tmerrshme që mund të rezultojë nga kjo, por po përpiqet ta kapërcejë atë duke e poshtëruar, duke u kujdesur që të mos shkaktojë një apokalips bërthamor. /tesheshi.com/
