Pasi ezauroi një fushatë anti-qeveri me kartën e kanabisit, gazeta e Koço Kokëdhimës, Shekulli i është përveshur së fundi qeverisë “Rama” edhe për çështjen e lojrave të fatit. Në një shkrim të saj, kjo gazetë bën me dije se një pjesë deputetësh po kërkojnë shtyerjen e ligjit të lojrave të fatit, atë që së paku do e zhvendoste këtë industri të mbrapshtë në periferi të qyteteve.
Nën titullin “Kazinotë blejnë qeverinë”, Shekulli informon mbi gjashtë deputetët firmëtare të kërkesës në fjalë duke konkluduar se aksioni i nisur me bujë në fillim të mandatit qeverisës, “Fundi i Marëzisë” po rezulton një nga dështimet e Ramës.
Dhe fakt është se në tre vjet asgjë nuk ndryshoi. Edhe gjatë gjatë prezantimit të programit të Rilindjes, Rama e paraqiste si prioritet heqjen e shqiptarëve nga llotot e lojrat e fatit, siç thoshte “për t’ju shtruar punës”; e në nisje të qeverisjes shokoi për mirë më aksionin “Fundi i Marrëzisë”.
Por më pas gjithçka rezultoi nëj flluskë. Lojrat e fatit janë po aty ku ishin, së bashku me lokalet e llotove, gjithnjë “krahëhapur” për shqiptarë që jetojnë me iluzionin se jeta mund të shtyhet duke fituar në lloto a bixhoz. /tesheshi.com/
