Gaza është rindezur sërish nga sulmet e ashpra izraelite. Në shënjestër ishte Teysir al-Jaberi, një nga figurat kryesore të një lëvizjeje palestineze, i cili ishte mes tre viktimave të tjerë, mes tyre dhe një fëmijë i mitur.
Ministria e Shëndetësisë e Palestinës tha në një deklaratë se katër palestinezë, duke përfshirë një fëmijë pesëvjeçar, u vranë dhe 19 persona u plagosën në sulmet izraelite në Gaza.
Ushtria izraelite njoftoi më herët sot se kishte goditur disa objektiva në Rripin e Gazës të bllokuar. Në deklaratën e zëdhënësit të ushtrisë izraelite, thuhet se “në kuadër të operacionit të quajtur ‘Agimi’, ushtria ka vënë në shënjestër Gazën për shkak të kërcënimeve të caktuara”.
Në rrjetet sociale u shfaqën foto që tregojnë një re tymi mbi Gaza. /tesheshi.com/
