Koordinatori Special i Kombeve të Bashkuara për Lindjen e Mesme, Nickolay Mladenov, tha të martën se është i shqetësuar “edhe një herë nga përballja me një përshkallëzim të rrezikshëm të dhunës në Gaza me pasoja potencialisht katastrofike”.
Duke folur në një takim të Këshillit të Sigurimit të OKB mbi situatën e atjeshme, Mladenov tha se një raketë u nis nga Gaza më 25 mars, e cila goditi një shtëpi në Izrael, gjë që më pas u pasua nga një reagim i ashpër izraelit.
Bëhet fjalë për 42 sulme në Gaza, me shumë të plagosur e disa ndërtesa të shkatërruara, përfshirë dhe zyrat e Hamasit.
“Dy ditët e fundit kanë treguar se ne jemi shumë afërt shpërthimit të një lufte”, tha Mladenov. /tesheshi.com/
