“Askush nuk mund dhe nuk do të jetë në gjendje ta udhëheqë popullin e Palestinës në një Nakba të dytë”, tha presidenti turk Rexhep Tajip Erdogan gjatë një vizite në Malajzi, transmeton Anadolu.
Duke hedhur poshtë synimet e administratës amerikane dhe izraelite për zhvendosjen e palestinezëve dhe “marrjen” e Gazës, Erdogan kujtoi se kostoja financiare e shkatërrimit në enklavën palestineze vlerësohet në 100 miliardë dollarë dhe se qeveria e kryeministrit izraelit Benjamin Netanyahu është përgjegjëse për “këtë faturë të rëndë”.
“Administrata izraelite duhet të jetë e para që do të mbajë përgjegjësi për shkatërrimin e Gazës që shkaktuan, dhe me këtë, procesi i rindërtimit duhet të fillojë”, tha Erdogan në Kuala Lumpur, ku iu drejtua një takimi të Këshillit të Bashkëpunimit Strategjik së bashku me kryeministrin malajzian Anwar Ibrahim.
Ai vuri në dukje se në vend që të kërkojë një vend për gazanët që ai nuk mund ta çrrënjosë nga toka e tyre, Netanyahu duhet të kërkojë një burim për të mbuluar dëmin prej 100 miliardë dollarësh që ka shkaktuar.
“Shtëpitë, tokat, pronat e konfiskuara nga shteti izraelit dhe kolonët ‘mashtrues’ duhet t’u kthehen pronarëve të tyre të ligjshëm palestinezë,” tha ai.
Erdogan deklaroi gjithashtu se ndërtimi i një sistemi të bazuar në besim që përfshin të gjithë dhe vlerëson dallimet si burim pasurie nuk është një zgjedhje, por një detyrim.
“Nga ekonomia te diplomacia, nga tregtia te siguria, ne kemi nevojë për një qasje të re dhe një rend të ri global për zgjidhjen e problemeve”, theksoi ai. /tesheshi.com/
