Negociatat për lehtësimin e tensioneve midis Izraelit dhe Rripit të Gazës nën patronazhin e OKB-së dhe Egjiptit janë në “një fazë të avancuar”, ka thënë një zyrtar i lartë i Hamasit që kontrollon enklavën palestineze.
Një deklaratë e ngjashme u dha gjithashtu nga një tjetër zyrtar, duke sugjeruar një ndryshim të mundshëm pas një dhune të ashpër katër mujore.
“Ne shpresojmë që prej tyre të arrihet diçka e mirë”, ka thënë Khalil al-Hayya, nënkryetari i Hamasit në Gaza.
“Ne jemi duke kërkuar për të rivendosur paqen në kufirin midis nesh dhe armikut sionist”, shtoi ai.
Avi Dichter nga Komiteti i Jashtëm dhe i Mbrojtjes i Parlamentit izraelit, ishte gjithashtu optimist.
“Unë shpresoj se po i afrohemi agimit të një dite të re për Gazën”, tha ai.
Si OKB-ja ashtu dhe Egjipti nuk kanë paraqitur publikisht një plan të detajuar për Gazën, përveç nëse thonë se ata duhet të japin ndihmë të madhe ekonomike për dy milionë palestinezë.
Për dhjetë vjet, Rripi i Gazës është i zhytur nën një bllokadë të rreptë izraelite.
Që nga 30 marsi, palestinezët kanë protestuar rregullisht në sektorin kufitar midis Rripit të Gazës dhe Izraelit, duke dënuar bllokadën izraelite. /tesheshi.com/
