Presidenti iranian Ebrahim Raisi foli në telefon me princin saudit të kurorës Mohammed bin Salman, hera e parë që të dy liderët kanë pasur kontakte personale që nga fillimi i afrimit të vendeve në fillim të këtij viti.
Raisi dhe Bin Salman diskutuan “nevojën për t’i dhënë fund krimeve të luftës kundër Palestinës”, raportuan mediat shtetërore iraniane, sipas agjencive.
Princi i kurorës saudite “konfirmoi se mbretëria po bën të gjitha përpjekjet e mundshme në komunikim me të gjitha palët ndërkombëtare dhe rajonale për të ndaluar përshkallëzimin e vazhdueshëm”.
Ai përsëriti se Arabia Saudite dënon shënjestrimin e civilëve në çfarëdo mënyre.
Sipas Iranit, në bisedime u theksua “uniteti i botës islame”.
Izraeli u zu në befasi nga sulmi i Hamasit nga Rripi i Gaza-s të shtunën dhe u kundërpërgjigj me bombardime të gjera të territorit.
Udhëheqësit iranianë vlerësuan sulmet e Hamasit ndaj Izraelit, por mohuan përfshirjen e drejtpërdrejtë.
Arabia Saudite konsiderohet si një mbrojtëse e rëndësishme e palestinezëve.
Të shtunën, Riadi bëri thirrje për një fund të menjëhershëm të përshkallëzimit, ndërsa fajësoi “privimin nga Izraelit të popullit palestinez nga të drejtat e tij legjitime” për sulmet.
Irani dhe Arabia Saudite kanë qenë prej kohësh rivalë të ashpër rajonalë, por në mars të dy fuqitë njoftuan një marrëveshje për të rivendosur marrëdhëniet diplomatike, si pjesë e një afrimi të ndërmjetësuar nga Kina.
Riadi ndërpreu kontaktet diplomatike në vitin 2016, pasi protestuesit sulmuan ambasadën saudite në Teheran.
Mbretëria sunite dhe Irani me shumicë shiite kanë qenë gjithashtu në anët e kundërta në konfliktet ushtarake në rajon.
Fetarisht, Islami Iranian nuk është Islami burimor por një devijim i frikshëm më pasoja të rënda për botën islame. Irani vetë është një telash për Islamin dhe muslimanët në nivel global. /tesheshi.com/
