Usain Bolt dorëzoi titullin botëror duke humbur finalen e parë në karrierë në garën e 100 metrave. Kjo ishte gara e fundit për xhamajkanin, i cili mori vetëm medaljen e bronztë.
Dy amerikanët Justin Gatlin dhe Christian Coleman, triumfuan në Londër ku u renditën në dy vendet e para, duke marrë medaljen e artë dhe të argjentë.
Gatlin bëri garën më të mirë të jetës duke u nisur nga korsia numër 8, por bëri një rekuperim fantastik deri në vijën e finishit, ku la pas Coleman e Bolt.
Amerikani, në moshën 35 vjeç ndali kronometrin në 9:92 duke regjistruar dhe kohën më të mirë të vitit.
Ky është një sukses i jashtëzakonshëm për Gatlin, i cili u përkul në finish në shenjë respekti përpara Usain Bolt. /tesheshi.com/
