Qeveria britanike ka bërë gati planin për t’u ardhur në ndihmë familjeve të prekura nga zjarri që ra në kullën Grenfell në Londër. Nga kjo tragjedi gjetën vdekjen të paktën 79 persona ndërsa shumë të tjerë mbetën të lënduar. Ndërkohë pjesa tjetër e banorëve të mbijetuar janë në gjendje të rëndë psikologjike dhe pa një strehë mbi kokë.
Por sot, duke folur përpara Dhomës së Përfaqësueseve, kryeministrja Theresa May ka bërë të ditur se të paktën 68 banesa sociale do t’u vihen në dispozicion familjeve që mbetën pa strehë pas zjarrit të rënë në Grenfell.
Nga Dhoma e Përfaqësuesve, ndërsa deputetët debatuan për fjalën e Mbretëreshës, kryeministrja kërkoi falje për “dështimin e shtetit” pas tragjedisë:
“Më lejoni të bëhem e qartë. Mbështetja për familjet në terren në orët e para të tragjedisë nuk ishte mjaft e mirë. Njerëzit mbetën pa sende, pa kulm mbi kokën e tyre, pa as informacion themelor për atë që kishte ndodhur, çfarë duhet të bëjnin dhe ku duhet të shkonin për të kërkuar ndihmë.
Ky ishte një dështim i shtetit, lokal dhe kombëtar, për të ndihmuar njerëzit kur ata kishin nevojë më së shumti. Si kryeministre, kërkoj falje për këtë dështim. Si kryeministre unë kam marrë përgjegjësinë për të bërë atë që mundemi për t’i vënë gjërat në rregull. Kjo është arsyeja pse çdo familje, shtëpia e të cilit u shkatërrua, po merr një paradhënie nga fondi i urgjencës, në mënyrë që ata të blejnë ushqime, rroba dhe gjëra të tjera të domosdoshme. Dhe të gjithë ata që kanë humbur shtëpitë e tyre do të zhvendosen brenda tre javësh”.
Një kompleks apartamentesh të reja po përfundon dhe së shpejti familjet e prekura nga zjarri do të zhvendosen atje.
Guardian raporton se katër blloqe kanë papërfunduar, dhe 68 banesave janë blerë nga Korporata e Londrës për familjet që humbën shtëpitë e tyre nga zjarri. /tesheshi.com/
