Rama tha se ishte i suprizuar nga numri i aplikimeve për nismën “Gati Për Shqipërinë”, ku fton të rinj që kanë studiuar jashtë që të kontribuojnë për vendin e tyre në fushat që ata mendojnë se janë të zotë.
“Më vjen mirë që kemi një numër shumë më të madh se çfarë e prisja, njerëzish si ju që kanë interes për të kontribuar dhe kanë kurajon për ta bërë këtë gjë në sensin që nuk ia lënë fjalës se ‘atje s’të përfillin njeri, s’të hap derën njeri’, pavarësisht se kjo mund të jetë e vërtetë në raste të caktuara sepse për fat të keq ndodhin dhe këto”, tha Rama në sesionin e 6-të të takimeve online në kuadër të nismës.
Ai pati dhe një këshillë për ta:
“Mos harroni të bëni pak qejf se nuk është vetëm punë dhe shkollë jeta. Të merreni me familjen dhe atë që u do zemra”, u tha Rama. /tesheshi.com/
