Fondacioni Bill dhe Melinda Gates ka premtuar 250 milion dollarë të tjerë për një vaksinë më të lirë dhe më të përballueshme kundër COVID-19.
Donacioni i vetëm më i madh deri më tani vjen pasi Gates dha 70 milion dollarë në nëntor. Me donacionin e fundit, fondacioni ka dhuruar gjithsej 1.75 miliardë dollarë për të luftuar pandeminë, raporton Reuters.
“Nëse bota do të bëhet një vend më i mirë për të gjithë njerëzit për të jetuar, varet nga ajo që udhëheqësit botërorë do të bëjnë për të vënë në dispozicion testet, ilaçet dhe vaksinat për ata që kanë nevojë për to,” tha fondacioni.
Paratë do të përdoren për të shpërndarë teste dhe vaksina në vendet e dobëta dhe me zhvillim mesatar, shtuan ata.
Britania e Madhe u bë vendi i parë që filloi vaksinimin kundër COVID-19 të martën, kur një grua 90-vjeçare mori vaksinën Pfizer / BioNTech.
Kanadaj miratoi vaksinën të mërkurën ndwrkohw qw Administrata e Ushqimit dhe Barnave në SHBA do të mblidhet të enjten për të diskutuar nëse do ta rekomandojë atë apo jo.
Vaksina Pfizer është kërkuese, veçanërisht për vendet e varfra, sepse duhet të ruhet në temperatura shumë të ulëta.
Një prodhues tjetër amerikan, Moderna, i cili pretendon se vaksina e saj është 94.5 për qind efektive, ka kërkuar miratimin në SHBA dhe BE. /tesheshi.com/
