Fondacioni Bill dhe Melinda Gates njoftoi se do të japë 1.2 miliardë dollarë për çrrënjosjen e në botë, shkruan AP.
Fondet do të përdoren për të zbatuar strategjinë e Iniciativës Globale për të çrrënjosur sëmundjen deri në vitin 2026.
Nisma synon të zhdukë virusin e poliomielitit në Pakistan dhe Afganistan – dy vendet e fundit endemike, tha Fondacioni në një deklaratë.
Fondet do të përdoren gjithashtu për të ndaluar shpërthimet e një lloji të ri të virusit që shkakton sëmundjen. Kjo u bë e ditur në Samitin Botëror të Shëndetësisë në Berlin.
Fondacioni tha në një deklaratë se ka dhënë pothuajse pesë miliardë dollarë për nismën për çrrënjosjen e poliomielitit. Nisma synon të integrojë fushatat kundër poliomielitit në shërbime më të gjera shëndetësore dhe të rrisë përdorimin e vaksinës së re orale të poliomielitit të tipit 2.
Forcimi i sistemeve shëndetësore të vendeve
Grupi po punon gjithashtu për të forcuar sistemet shëndetësore shtetërore në mënyrë që ata të jenë më të pajisur për kërcënimet e ardhshme shëndetësore, thuhet në deklaratë.
“Hapat e fundit drejt çrrënjosjes janë deri tani më të vështirët. Por fondacioni ynë është i përkushtuar ndaj një të ardhmeje pa polie dhe ne jemi optimistë se do ta shohim së shpejti”, tha CEO i fondacionit Mark Suzman.
Iniciativa për Çrrënjosjen e Polio-s është një partneritet publik-privat i udhëhequr nga një grup qeverish që përfshin Fondacionin Gates, Rotary International, Organizatën Botërore të Shëndetësisë dhe Qendrat Amerikane për Kontrollin dhe Parandalimin e Sëmundjeve. /tesheshi.com/
